O’g’il yoki qiz? Farzand jinsini aniqlash testi 1.2 APKs

Boʻlajak farzandingiz jinsini aniqlash uchun ushbu dasturdan foydalaning. Bu dastur qadimgi Xitoy kalendari asosida ishlab, sizga farzandingiz oʻgʻil yoki qiz ekanligini oldindan taxmin qilishga yordam beradi.
Dastur homilador ayollar uchun qiziqarli qoʻshimcha vosita sifatida yaratilgan boʻlib, Xitoy kalendariga asoslangan.
Xitoy taqvimi boʻyicha homila jinsini aniqlash, homilador ayolning homilador boʻlgan oyi hamda shu vaqtdagi yoshining muvofiqligiga asoslanadi.
Har bir ayol homiladorlik olamiga kirar ekan, avvalo homiladorlik kalendari orqali oʻzidagi va boʻlajak farzandidagi oʻzgarishlarni kuzatib borishga qiziqishadi. Shu bilan birga, homila jinsini aniqlash yoki taxminiy bilish ham homilador ayollar uchun juda qiziq hisoblanadi.
Bu qiziqish biz yashab turgan zamonda ham, bundan 500-1000 yil oldin ham dolzarb boʻlgan. Shuning uchun qadimda Xitoy mutafakkirlari tomonidan “Homila jinsini aniqlashning Xitoy usuli” nomli oʻziga xos taqvim (kalendar) yuzaga kelgan.
Turli afsonalarga koʻra, bu bola jinsini aniqlash kalendari imperator oilasini rejalashtirish uchun maxsus ishlab chiqilgan ekan. Boʻlajak farzandning oʻgʻil yoki qiz ekanligi sulolaning kelgusi taqdiri bilan bogʻliqligi uchun u shox saroyida keng foydalanilgan.
Biroq, zamonaviy ekspertlar bu taxminlarni tasdiqlovchi tarixiy manba va maʼlumotlar topa olishmagan.
Ularning kelib chiqishi tarixi nomaʼlum boʻlganligi sababli, bola jinsini aniqlashning Xitoy jadvalining aniqligi ham biroz nomaʼlum. Shuning uchun uning farzand jinsini oʻgʻil yoki qiz ekanligini toʻgʻri baholash darajasi 50/50. Baʼzilarning taʼkidlashicha, Xitoyning jins aniqlash taqvimi 90 foizgacha aniqlikda hisoblaydi. Ammo yoʻnaltirilgan va tegishli matematik yoki tibbiy tadqiqotlar kamligi tufayli ushbu statistika hozircha isbotlanmagan.
Ayrim statistik maʼlumotlarga koʻra, ushbu jadval homilador ayollarga 80 foiz holatda boʻlajak farzandining jinsini aniq koʻrsatib bergan.
Shunday ekan, ushbu farzand jinsini aniqlash testi homiladorlik davri davomida sizga qaysidir maʼnoda boʻlajak farzandingiz oʻgʻil yoki qiz ekanligini oldindan taxmin qilib, shirin hayollar surishingizga sababchi boʻlishi mumkin.
Yuklab oling, foydalaning, zavqlaning!
Boʻlajak farzandingiz oʻgʻil yoki qiz boʻlishidan qatʼiy nazar, uni sogʻlom dunyoga keltirib, tarbiyali va barkamol shaxs qilib voyaga yetkazish sizga nasib etsin. Bu yoʻlda hech qachon charchamang!